Laivin Aiberdein Habour

Christie Williamson helps run Tell it Slant Books in Glasgow. His two collections are published   by Luath Press  - ‘Oo an Feddirs’ 2015 and ‘Doors tae Newye’ 2020. He comes fae Yell. 

Syne laivin Aiberdein Harbour

ivvir cost me tears

dey widna keep me

in Fairy Liqueed

an here agien mi taes

is spun sweet 

bi da grip

o aniddir year dancin.

Fu mony times

‘ll du gjit tae lairn

at life

is a habit formin activity

an da best eens

geeng tae da best eens?

Comin doon da steps

tae da back door

dis happy return

sees da compass squared

an wi his 91st circuit underwye

wi fire in his sails

an blyde in his een

da maestir o da hoose

shaas da wye.

I am hom.

He is risen.

Let us rejoice! 

Christie Williamson

laivin - leaving; syne - if; ivvir - ever; dey widna - they wouldn’t; agien - again; taes - toes; Fu mony - how many; ‘ll du gjit – will you get; eens - ones; geeng - go; shaas da wye - shows the way; hom – home